اسلام آباد(آن لائن)وزیر اعظم کو لکھے گئے خط کی تحقیقات کیلئے نعیم الحسن ایڈووکیٹ کی طرف سے سپریم کورٹ میں درخواست دائر کر دی گئی ہے۔درخواست میں موقف اپنایا گیا ہے کہ وزیر اعظم کو ہٹانے کیلئے بین الاقوامی سازش کی گئی،وزیر اعظم کیخلاف سازش کرنے والے غداری کے زمرے میں آتے ہیں،مختلف ٹی وی اینکرز نے تحریک عدم اعتماد کا پہلے ہی بتا دیا تھا،لندن میں نواز شریف سے خفیہ ملاقاتیں ہوئیں جہاں سازش تیار کی گئی۔درخواست میں استدعا کی گئی ہے کہ عدالتی کمیشن بنا کر میمو گیٹ کی طرز پر لیٹر گیٹ کی تحقیقات کرانے کے ساتھ وزیر اعظم کیخلاف تحریک عدم اعتماد پر کاروائی روکی جائے،معاملہ کی تحقیقات کے لئے کمیشن قائم کر کے روزانہ کی بنیاد پر کیس کی سماعت کی جائے۔۔۔۔