اسلام آباد(این این آئی)مسلم لیگ (ن )کے صدر اورشہباز شریف کو پریس کانفرنس کے دوران پارٹی کے قائد نواز شریف کا فون آگیا۔مریم اورنگزیب نے پریس کانفرنس کے دوران شہبازشریف کی نوازشریف سے بات کروائی۔ شہباز شریف نے ٹیلی فون پرگفتگو میں کہا کہ میں پریس کانفرنس میں بیٹھا ہوں، میں ابھی آپ سے بات کرتا ہوں۔شہباز شریف نے نواز شریف سے کہا کہ اتحادی جماعتوں سے ہم مشاورت کر رہے ہیں۔ اس موقع پر صحافی نے سوال کیا کہ فون لائن پر کون تھے؟ نوازشریف واپسی کیلئے کیامنصوبہ بندی کررہے ہیں؟شہباز شریف نے جواب دیا کہ لائن پر کوئی جادوگر تھا نہ کوئی اور تھا، فون پر اللہ کا ایک بندہ تھا، میاں نوازشریف اپنے علاج کے بعد جلد از جلد واپس آئیں گے۔