دبئی(این این آئی)دبئی حکومت نے امارت میں نقل وحرکت کے ایک نئے قانون کا اعلان کیا ہے جس کے تحت برقی (ای)سکوٹراستعمال کرنے والوں کے پاس الیکٹرک موبیلٹی سواری چلانے کے لیے ڈرائیونگ لائسنس ہونا ضروری ہے۔دبئی میڈیا آفس نے ایک بیان میں کہا کہ نئے قانون کے تحت 16 سال سے کم عمر کے سواروں کو الیکٹرک موٹر سائیکل یا اسکوٹر چلانے کی اجازت نہیں ہوگی جبکہ 12 سال سے کم عمر کے سائیکل سواروں کے ساتھ 18 سال سے زیادہ عمر کا بالغ سائیکل سوار ہونا ضروری ہے۔ولی عہد کی ویب سائٹ پر جاری کردہ ایک بیان کے مطابق دبئی ٹرانسپورٹ اتھارٹی الیکٹرک اسکوٹر یا کسی اور قسم کی بائیکس کے لائسنس جاری کرے گی اور یہ لائسنس اتھارٹی کے ڈائریکٹر جنرل، بورڈ آف ایگزیکٹو ڈائریکٹرز کے چیئرمین کے فیصلوں کے مطابق جاری کیے جائیں گے۔