ملتان (این این آئی)وزیراعظم عمران خان کے معاون خصوصی عامر ڈوگر نے کہا ہے کہ سیاسی میچ اب آخری اوور تک چلاگیا ہے۔میڈیا سے گفتگو میں عامر ڈوگر نے کہا کہ اسلام آباد میں جو سیاسی حالات ہیں، میچ اب آخری اوور میں چلا گیا ہے۔انہوں نے کہا کہ امید ہے عمران خان سرخرو ہوں گے، وزیراعظم عدم اعتماد کے دن پارلیمنٹ نہیں جائیں گے۔عامر ڈوگر نے کہا کہ عمران خان نے ووٹنگ کے دن کے لیے خصوصی ٹیم تشکیل دے دی ہے۔انہوںنے کہاکہ وزیر اعظم نے حکومتی اراکین کو اتوار کے روز اسمبلی جانے سے روکا ہے، جو حکومتی اراکین اپنی حکومت کے خلاف ووٹ دیں گے وہ تاحیات نااہل ہوں گے۔