لاہور( این این آئی)رمضان المبارک میں پنجاب بھر کے سرکاری دفاتر کے اوقات کارتبدیل کردئیے گئے ۔محکمہ سروسز اینڈ جنرل ایڈ منسٹریشن کے شعبہ ویلفیئر ڈیپارٹمنٹ کی جانب سے جاری کردہ نوٹیفکیشن کے مطابق ہفتہ میں 5 روز کام کرنے والے سرکاری دفاتر صبح 10 بجے سے شام 4بجے ،ہفتہ میں 6 روز کام کرنے والے سرکاری دفاتر صبح 10 بجے سے دوپہر 3بجے تک کام کریں گے جبکہ جمعہ کے دن دفتری اوقات صبح 10 بجے سے دوپہر 1بجے تک ہوگا۔تمام متعلقہ محکموں کو نوٹیفکیشن ارسال کردیا گیا جس کے مطابق رمضان المبارک میں دفتری اوقات کا دورانیہ 6گھنٹے ہوگا۔