کراچی (این این آئی)پاکستان شوبز انڈسٹری کی معروف اداکارہ مایا علی بھی اپوزیشن کی تحریکِ عدم اعتماد کے خلاف بول پڑیں۔مایا علی نے انسٹاگرام پر وزیرِاعظم پاکستان عمران خان کی ایک تصویر شیئر کی ہے۔اْنہوں نے وزیرِ اعظم کی تصویر شیئر کرتے ہوئے لکھا کہ’سیاست میں صرف ایک ہی آدمی ہے جو واقعی پاکستان کے لیے کچھ اچھا کرنا چاہتا ہے‘۔

اْنہوں نے مزید لکھا کہ’چیزوں کو دوبارہ بنانے اور ٹھیک میں وقت لگتا ہے‘۔ مایا علی نے اپنی پوسٹ میں لکھا کہ پاکستان کو عمران خان کی ضرورت ہے۔آخر میں اْنہوں نے لکھا کہ’ہمارے ووٹوں کی بہت اہمیت ہے اور وہ عمران خان کے ساتھ ہیں۔دوسری جانب معروف پاکستانی موسیقار و اداکار ہارون شاہد کا کہنا ہے کہ خود کو کمزور نہ پڑنے دیں اور وزیرِ اعظم کا ساتھ دیں۔ ہارون شاہد نے ٹوئٹر پر عوام کیلئے خصوصی پیغام جاری کیا ہے۔اْنہوں نے اپنے ٹوئٹ میں لکھا کہ’اہم بات یہ ہے کہ آج آپ عمران خان کے ساتھ کھڑے ہیں یا نہیں‘۔اْنہوں نے لکھا کہ’وزیرِ اعظم کو ہم میں سے ہر ایک کی ضرورت ہے!‘۔ہارون شاہد نے یہ بھی لکھا کہ ’یہی وقت ہے، خود کو کمزور نہ پڑنے دیں‘۔اْنہوں نے اپنے ایک اور ٹوئٹ میں لکھا کہ’اْنہیں یاد ہے کہ وہ 2014 میں لالک چوک ڈی ایچ اے لاہور میں فٹ پاتھ پر بیٹھے سوچ رہے تھے کہ عمران خان کیسے وزیراعظم بنیں گے‘۔ اْنہوں نے لکھا کہ’اور عمران خان نے 4 سال میں وزیرِ اعظم بن کر دکھادیا کیونکہ ہم سب ان کے ساتھ کھڑے تھے اور اچھی خبر یہ ہے کہ آج پہلے سے زیادہ لوگ ان کی حمایت کر رہے ہیں‘۔ہارون شاہد نے ایک اور ٹوئٹ میں لکھا کہ’عمران خان ملک کے واحد قومی لیڈر ہیں یعنی یہ لوگ عمران خان کو گرا کر قومی حاکمیت بنانے کی کوشش کر رہے ہیں‘۔