اسلام آباد(مانیٹرنگ ڈیسک )ملک کے اکثر شہروں میں موبائل کمپنی ٹیلی نار کی سروس بند ہوگئی ، جس کی وجہ سے صارفین کو شدید مشکلات کا سامنا ہے ، میڈیا رپورٹس کے مطابق 3بجے کے قریب اکثر شہروں میں ٹیلی نار کے سگنل غائب ہونا شروع ہوئے اور اب مکمل بند ہو
گئے ہیں ، جس کی وجہ سے ٹیلی نار کے صارفین کو ذہنی اذیت کا سامنا کرنا پڑ رہا ہے ،اس حوالے سے کمپنی کے ٹوئٹر اکائونٹ پر ایک ٹوئٹ کیا گیا ہے جس میں اس کی وجوہات کا ذکر کیا گیا ہے ، کمپنی کے مطابق ”ہمارے سروس فراہم کرنے والے نیٹ ورکس میں متعدد آپٹیکل فائبرکٹنے کے باعث کئی مقامات پر ہماری خدمات کو متاثر کیا ہے۔ہماری ٹیمیں خدمات کی مکمل بحالی اور اثرات کو کم سے کم رکھنے کے لیے ہنگامی اقدامات کر رہی ہیں۔ ہمیں اپنے قابل قدر صارفین کو ہونے والی عارضی تکلیف پر افسوس ہے!”دوسری جانب وزارت توانائی کا کہنا ہے کہ ملک میں 3 نیوکلیئر پاور پلانٹس کی ٹرپنگ سے کچھ علاقوں میں بجلی کی عارضی لوڈ شیڈنگ شروع ہو گئی ہے۔وزارت توانائی کے مطابق چند گھنٹوں میں ان پاور پلانٹس سے بجلی کی پیداوار دوبارہ بحال ہو جائے گی۔ وزارت توانائی کا کہنا ہے کہ 3 نیوکلیئر پلانٹس میں ٹرپنگ کے باعث بجلی شارٹ فال بڑھنے سے ملک کے مختلف حصوں کو لوڈ شیڈنگ کا سامنا ہے تاہم چند گھنٹوں میں بجلی کی پیداوار دوبارہ شروع ہو جائے گی۔ گزشتہ 12 گھنٹوں سے ملک کے مختلف حصوں خاص طور پر دیہی علاقوں میں بہت زیادہ لوڈ شیڈنگ ہو رہی ہے ۔
Multiple optical fiber cuts in our service provider networks have impacted our services in several locations.
Our teams are taking emergency measures for complete restoration of services & to keep the impact minimum. We regret the temporary inconvenience to our valued customers!— Telenor Pakistan (@telenorpakistan) March 31, 2022
