کراچی (آن لائن) انٹر بینک میں روپے کے مقابلے ڈالر کی قدر مستحکم رہی تاہم مقامی اوپن کرنسی مارکیٹ میں ڈالر سستا ہو گیا ۔فاریکس ایسوسی ایشن آف پاکستان کی رپورٹ کے مطابق جمعہ کو انٹر بینک میں ڈالر کی قیمت خرید 181.70روپے اور قیمت فروخت181.80روپے پر برقرار رہی جبکہ مقامی اوپن کرنسی مارکیٹ میں ڈالر10پیسے سستا ہو گیا جس کے بعد ڈالر کی قیمت فروخت182.50روپے سے گھٹ کر182.40روپے پر آ گئی ۔فاریکس رپورٹ کے مطابق یورو کی قدر میں1روپے کا اضافہ ریکارڈ کیا گیا جس سے یورو کی قیمت خرید 197روپے سے بڑھ کر198روپے اور قیمت فروخت199روپے سے بڑھ کر200روپے ہو گئی تاہم برطانوی پونڈ کی قیمت خرید 237روپے اور قیمت فروخت239روپے پر مستحکم رہی