خالق نگر(این این آئی)انسپکٹرایکسائزخاتون وکیل کوبلیک میل ،ہراساں کرنے لگا،لاکھوں روپے ہڑپ کرگیا،خاتون وکیل سے بہن کی شادی پر لاکھوں روپے ادھارلئے ،مانگنے پر دھمکیاں ،بلیک میل کرنے لگا،تفصیلات کے مطابق خاتون وکیل عینی حفیظ نے

ڈپٹی ڈائریکٹرسائبرکرائم لاہورکوایکسائزانسپکٹرعلی حسین خان کیخلاف ہراساں کرنے،قتل کی دھمکیاں دینے اوربلیک میل کرنے پردرخواست دی ،خاتون وکیل عینی حفیظ نے درخواست میں لکھا کہ علی حسین خان جوکہ محکمہ ایکسائزمیں انسپکٹرہے کے ساتھ میرالین دین کا معاملہ تھا،علی حسین خان نے اپنی بہن تہمینہ بتول زوجہ سہیل کی شادی پرجہیزکے لئے مجھ سے مبلغ 1472000ہزارروپے لئے جس کے اس نے مجھے دوعددچیک دیئے جوکہ ڈس آنرہوگئے،عینی حفیظ نے لکھا کہ جب میں نے اپنی رقم علی حفیظ خان سے واپس مانگی تواس نے مجھے مختلف طریقوں سے وٹس اپ پرقتل کی دھمکیاں دیں اورگالیاں دے کر رقم خردبردکرنے کی کوشش کی،عینی حفیظ نے بتایا کہ مجھے ٹیبل ٹاک پرمعاملہ حل کرنے کے لئے بلا کردست وگریبان ہوگیا ۔انہوں نے کہا کہ وقت پر ریکارڈنگزاوردیگرثبوت بھی پیش کردوں گی،عینی حفیظ نے بتایا کہ میرے موبائل نمبرکی غیرقانونی طورپر CDRڈیٹا نکلوا کرمیرے کلائینٹس کے نمبراورایڈریس حاصل کرکے میرے بارے غیراخلاقی گفتگوکرکے میری شہرت اورساکھ خراب کی ہے،عینی حفیظ نے کہا کہ علی حسین خان کے خلاف قانونی کارروائی کرکے اس کوکیفرکردارتک پہنچایا جائے،اور مجھے میری رقم دلواکرمجھے انصاف فراہم کیا جائے۔