نئی دہلی(این این آئی)بھارتی ریاست اتراکھنڈ کے انتخابات میں بی جے پی کی کامیابی کے بعد نومنتخب وزیر اعلی نے مسلم دشمنی پر مبنی پہلا آرڈر جاری کر دیا۔میڈیارپورٹس کے مطابق اتراکھنڈ میں حلف لینے والے نئے وزیر اعلی پشکرسنگھ دھامی نے حکم جاری کیا کہ
پوری ریاست میں یونیفارم سول کوڈ نافذ کر دیا ہے۔مسلمان مخالف الیکشن مہم کے بعد اب جنونی ہندوئوں نے سرکاری سطح پر بھی مسلم دشمنی کا ثبوت دے دیا ۔انتخابی مہم میں مسلم مخالف ایجنڈے کا پرچار کرنے والی بی جے پی نے اب جیت کے بعد اس پر عمل کرنا بھی شروع کر دیا ۔نئے وزیر اعلی پشکرسنگھ دھامی وزیرا علی نے بتایا کہ اب اس معاملہ پر بہت جلد ماہرین کی ایک ٹیم تشکیل دی جائے گی اور ریاست بھر میں یونیفارم سول کوڈ لاگو کیا جائے گا.نو منتخب وزیر اعلی نے انتخابات کے دوران اپنی ہر ریلی میں عوام سے وعدہ کیا تھا کہ اگر ریاست کے وزیر اعلی بنے تو سب سے پہلے ریاست میں یونیفارم سول کوڈ لاگو ہوگا،وزیر اعلی نے جنونی ہندوئوں کو مخاطب کرتے ہوئے کہا کہ آپ کو بتادیں کہ ملک بھر میں اتراکھنڈ پہلی ایسی ریاست ہے جو یونیفارم سول کوڈ کو لاگو کرنے جارہی ہے۔
