لاہور( این این آئی) صوبائی وزیر خزانہ مخدوم ہاشم جواں بخت نے وزیراعلی بنائے جانے کی خبروں کوقیاس آرائیاں قرار دیتے ہوئے کہا ہے کہ ،تحریک انصاف کے ٹکٹ پر منتخب ونے والا کوئی بھی شخص پارٹی نہیں چھوڑے گا۔مقامی ہوٹل میں سیمینار سے خطاب کے بعد میڈیا سے گفتگو کرتے ہوئے انہوں نے کہا کہ ان کے وزیراعلی بننے کی خبریں قیاس آرائیاں ہیں۔تحریک انصاف کے ٹکٹ پر منتخب ونے والا کوئی بھی شخص پارٹی نہیں چھوڑے گا، اگر کسی کو پارٹی پالیسی کے خلاف جانا ہے تو پہلے استعفیٰ دے۔انہوں نے کہا کہ پارٹی کے اندر رہ کر تحفظات کا اظہار کرنا ہر کسی کا حق ہے لیکن پارٹی لائن کی خلاف ورزی کرنے سے پہلے اسمبلی رکنیت سے استعفیٰ دینا چاہیے جس طرح انہوں نے جنوبی پنجاب محاذ بناتے وقت کیا تھا۔