گالے(نیو ز ڈیسک)سری لنکا اور بھارت کے درمیان 3ٹیسٹ میچوں پر مشتمل سیریز کا پہلا ٹیسٹ آج سے گالے میں کھیلا جائے گا۔ دونوں ٹیموں کے کپتان ٹیسٹ سیریز میں اچھی کارکردگی دکھانے اور سیریز جیتنے کے لیے پر امید ہیں۔ بھارتی کرکٹ ٹیم کے ٹیسٹ کپتان ویرات کوہلی کی دھونی کی ٹیسٹ سے ریٹائرمنٹ کے بعد یہ پہلی مکمل ٹیسٹ سیریز ہوگی۔ ادھر لنکن کپتان اینجلو میتھیوز پاکستان سے تینوں فارمیٹ کی کرکٹ میں ڈھیر ہونے کے بعد پوری ٹیم کے کھلاڑیوں سے بہتر پرفارمنس کی امید کر رہے ہیں۔ یہ سیریز لنکن لیجنڈ کمار سنگاکارا کے کیریئر کی ا?خری ٹیسٹ سیریز ہوگی اور ون ڈے، ٹی20 سے ریٹائر ہونے کے بعد ٹیسٹ سے بھی کنارا کشی اختیار کر لیں گے۔