اسلام آباد (این این آئی) ہائی کورٹ میں وفاقی دارالحکومت اسلام آباد میں کوڑا کرکٹ رہائشی سیکٹرز میں پھینکنے کا انکشاف ہوا ،اسلام آبادہائیکورٹ نے سی ڈی اے کی جانب سے رہائشی سیکٹرز میں کوڑا
پھینکنے پر پابندی عائد کرتے ہوئے اٹارنی جنرل، ایڈوکیٹ جنرل ، سیکرٹری ماحولیاتی تبدیلی ،سیکرٹری کابینہ ، سیکرٹری داخلہ ، انوائرمنٹ پروٹیکشن ایجنسی کو نوٹس جاری کردیا ۔ ہفتہ کو جسٹس بابر ستار نے کیس کی سماعت کا تحریری حکمنامہ جاری کردیا ۔عدالت نے استفسار کیاکہ اسلام آباد میں کوڑا سائیڈ اور ڈمپنگ سائیڈ نہ بنانے کا ذمہ دار کون ہے ۔سی ڈی اے نے اعتراف کیا کہ اسلام آباد میں کوڑا ٹھکانے لگانے کے لیے کوئی ویسٹ مینجمنٹ سکیم نہیں۔ سی ڈی اے نے کہاکہ اسلام آباد میں کوڑا پھینکنے کے لیے کوئی زمین ہے نہ ہی سائٹ، عدالت نے فریقین کو نوٹس جاری کرتے ہوئے سماعت 31 مارچ تک ملتوی کردی۔
