لندن (نیوزڈیسک) پاکستانی فوجیوں نے بھارتی ،امریکی ،آسڑیلوی سمیت کئی ممالک کے فوجیوں کوپیچھے چھوڑتے ہوئے دنیامیں سب سے سخت جان ،جفاکش اورمحنتی ہونے کااعزازحاصل کرلیاہے ۔برطانوی میڈیاکی رپورٹس کے مطابق برطانوی فوج کے زیراہتمام کیمبرین پیڑول مشقوں کااہتمام ویلز میں کیاگیاتھا۔ان مشقوں میں برطانیہ سمیت کئی ممالک کے فوجی اپنی مضبوطی اوربہادری ثابت کرنے پہنچے تھے ۔فوجیوں کامضبوط دل گردہ چیک کرنے کےلئے مشکل ترین ٹریک بچھایاگیا۔ٹھنڈاپانی ،صحرا،پہاڑ ،جنگل ،دشمنوں کی فوج سے مقابلہ ،دفاعی فائرنگ اوربہت سے خطرناک راستے اس امتحان کاحصہ بنے مگرپاکستانی فوجیوں نے یہاں بھارت ،آسٹریلیا،کینیڈا،امریکہ اورفرانس جیسی مضبوط ٹیموں کوبچھاڑ کرسونے کاتمغہ جیت لیا۔