کراچی(این این آئی)انٹر بینک میں روپے کے مقابلے ڈالر176روپے سے گھٹ کر175روپے ہو گئی جبکہ اوپن مارکیٹ میں ڈالر177روپے سے کم ہو کر176روپے کا ہوگیا ۔فاریکس ایسوسی ایشن آف پاکستان کی رپورٹ کے مطابق گزشتہ روز جمعرات کو انٹر بینک میں روپے کے مقابلے ڈالر کی

قدر میں1.10روپے کی کمی واقع ہوئی جس سے ڈالر کی قیمت خرید 176.40روپے سے کم ہوکر175.30روپے اور قیمت فروخت176.50روپے سے کم ہوکر175.40روپے ہو گئی اسی طرح مقامی اوپن کرنسی مارکیٹ میں ڈالر کی قدر60پیسے گھٹ گئی جس سے ڈالر کی قیمت خرید 176.80روپے سے کم ہوکر176.30روپے اور قیمت فروخت177.30روپے سے کم ہو کر176.70روپے پر آ گئی ۔فاریکس رپورٹ کے مطابق یورو کی قدر میں1.50روپے کی کمی واقع ہوئی جس سے یوروکی قیمت خرید 198.50روپے سے گھٹ کر197روپے اور قیمت فروخت200.50روپے سے گھٹ کر199روپے ہو گئی جبکہ1روپے کی کمی سے برطانوی پونڈ کی قیمت خرید 238روپے سے گھٹ کر236.50روپے اور قیمت فروخت240.50روپے سے گھٹ کر239روپے پر آ گئی ۔