لاہور(این این آئی) مسلم لیگ(ن)پنجاب کی سیکرٹری اطلاعات عظمی بخاری نے کہا ہے کہ نوازشریف کی میڈیکل رپورٹ پر سب سے زیادہ چیخیں حکومتی سٹپنیوںکی نکل رہی ہیں،سلیکٹڈ وزیراعظم کی ذہنی حالت کو جانچنے کیلئے میڈیکل بورڈ اور رپورٹ کی ضرورت ہے۔
اپنے بیان میں انہوںنے کہاکہ سیاسی بونے نوازشریف کا نام استعمال کرکے اپنی نوکری پکی کررہے ہیں۔پوری قوم جان چکی ہے عمران حکومت جعلی حکومت ہے۔عوام کی چینی،آٹا اور ادویات کھانے والے چوہوں کو نوازشریف کی فکر پڑی ہے۔نوازشریف کا نام ہر دور میں خوف کی علامت رہا ہے۔چار سال بعد بھی عمران خان نوازشریف کے نام کا چورن بیچ رہے ہیں۔پاکستانی بہت جلد عمران خان کے لنگر کارڈ،صحت کارڈانکے منہ پر مارنے والے ہیں۔صحت کارڈ کی نوازشریف کو نہیں عمران خان کو اشد ضرورت ہے۔انہوںنے کہاکہ نوازشریف نام سن کر عمران خان کی ذہنی حالت فورا مفلوج ہو جاتی ہے،اصل سسلین مافیا بنی گالہ اور وزیراعظم ہائو س میں بیٹھا ہے،اس مافیا کی سرپرستی عمران خان کررہے ہیں۔
