اسلام آباد (این این آئی)ججز اور سرکاری افسران کو ملنے والے پلاٹ بحال ہوں گے یا ختم، ہائی کورٹ فیصلہ (آج)جمعرات سنائیگی ۔ میڈیا رپورٹ کے مطابق اسلام آبادہائیکورٹ (آج) جمعرات کو سرکاری افسران کو ملنے والے پلاٹوں کی اپیلوں پر فیصلہ سنائے گی ،چیف جسٹس اسلام آبادہائیکورٹ جسٹس اطہر من اللہ کی سربراہی میں بینچ فیصلہ سنائے گا ۔ میڈیارپورٹ کے مطابق اسلام آباد ہائیکورٹ نے
ججوں اور بیوروکریٹس کو پلاٹوں کی قرعہ اندازی پر عمل روکا ہوا ہے ،اسلام آباد ہائیکورٹ نے ضلعی عدلیہ کے ججوں کو پلاٹوں کی الاٹمنٹ معطل کررکھی ہے ،عدالت نے مقامی افراد کو آباو اجداد کی زمینوں سے بے دخل کرنے سے بھی روکا ہوا ہے ،عدالت نے عبوری حکم میں قرار دیا تھا کہ حیرت انگیز طور پر کرپشن اور جرائم میں سزا پانے والے ججوں کو بھی پلاٹ ملے،عدالت نے عبوری حکم میں قرار دیا تھا کہ پوری ضلعی عدلیہ کو پلاٹ ملے،جن کی زمینیں لی گئیں وہ انصاف کے لیے کہاں جائیں ؟۔
