لاہور( این این آئی)ایڈیشنل سیشن جج نے تین سالہ بچے کو اغوا ء اورزیادتی کے بعد کرنٹ لگاکر قتل کرنے کا الزام ثابت ہونے پر مجرم ندیم اسلم کو سزائے موت دینے اور پانچ لاکھ روپے جرمانے کا حکم سنا دیا ۔ایڈیشنل سیشن جج شبریز احمد کی عدالت میںتھانہ ہجروال پولیس نے تین سالہ بچے کے قتل کیس میں نامزد ندیم اسلم کا چالان پیش کر رکھا تھا جس میں تین سالہ بچے کو اغوا ء کرکے اس سے زیادتی کرنے اور کرنٹ لگا کر ہلاک کرنے بعد میں لاش رائے ونڈ کے علاقے میں پھینکنے کا الزام تھا۔استغاثہ کی طرف سے فرہاد علی شاہ ایڈووکیٹ پیش ہوے جنہوں نے ملزم کے خلاف ثبوت پیش کئے۔عدالت نے وکلا ء کے دلائل سننے کے بعد ندیم اسلم کو سزائے موت اور پانچ لاکھ روپے جرمانے کی سزا سنا دی۔