لاہور (آن لائن) لاہور سمیت صوبے بھر میں چائلڈ لیبر کی شرح میں اضافے کے بعد محکمہ تعلیم پنجاب نے صوبے بھر میں تعلیمی ایمرجنسی نافذ کرنے کا فیصلہ کیا ہے تعلیمی ایمرجنسی رواں سال 2022ء میں ہی نافذ کردی جائے گی۔ جس کے بعد 16 سال سے کم عمر کے بچے اور بچیوں کے لئے تعلیم کا حصول لازم

قرار دے دیا جائے گا۔ تعلیمی ایمرجنسی کے تحت اگر کوئی والدین اپنے بچوں کو سکول داخل نہیں کروائیں گے تو والد کو 50 ہزار روپے جرمانہ یا 6 ماہ قید کی سزا دی جا سکے گی۔ واضح رہے کہ گزشتہ سال2021ء میں لاہور سمیت پنجاب بھر میں چائلڈ لیبر کی شرح میں 86 فیصد اضافہ دیکھنے میں آیا تھا۔