برسلز (این این آئی)یورپین میڈیسن ایجنسی (ای ایم اے)نے فائزرکی انسداد کورونا گولی کے استعمال کی منظوری دے دی ۔غیرملکی خبررساں ادارے کے مطابق یورپین میڈیسن ایجنسی کا کہنا تھاکہ بالغوں میں کورونا کے علاج کے لیے فائزرکی گولی استعمال کی جاسکتی ہے۔ یورپ میں گولی کی شکل میں کورونا کا یہ پہلاعلاج منظورکیا گیا ہے۔خیال رہے کہ امریکی کمپنی فائزر کی کورونا وائرس کے علاج کے لیے تیار کردہ گولی مریضوں میں کورونا سے شدید خطرات پیدا ہونے کے فورا بعد استعمال کے لئے بنائی گئی ہے۔رپورٹ کے مطابق یہ گولی کورونا کے مریضوں میں اموات کے خطرے کو 89 فیصد تک کم کرتی ہے۔گذشتہ ماہ ہی امریکا میں بھی فوڈ اینڈ ڈرگ ایڈمنسٹریشن نے کورونا کے علاج کے لیے فائزر کی گولی کے استعمال کی منظوری دی تھی۔