اسلام آباد (این این آئی)ایک ہفتے میں مہنگائی کی شرح 0.11 فیصد کم ہو 18.62 فیصد پر آگئی ،سب سے کم آمدن والے افراد کیلئے مہنگائی 20.24 فیصد ہوگئی،ایک ہفتے میں 17 اشیا کی قیمتوں میں اضافہ ریکارڈ کیا گیا جن میں ٹماٹر اوسط 18 روپے 53 پیسے اورلہسن13روپے 55 پیسے فی کلو مہنگا ہوا۔ادارہ شماریات نے ہفتہ وار مہنگائی کے اعدادوشمارجاری کردیئے جس کے مطابق

حالیہ ہفتے مہنگائی کی شرح میں 0.11 فیصد کی کمی دیکھی گئی ،سالانہ بنیاد پر ہفتہ وار مہنگائی کی مجموعی شرح 18.62 فیصد رہی، سب سے کم آمدن والے افراد کے لیے مہنگائی کی شرح 20.24 فیصد رہی،حالیہ ہفتے سترہ اشیائے ضروریہ کی قیمتوں میں اضافہ ہوا،ایک ہفتے کے دوران ٹماٹر 18 روپے 53 پیسے فی کلو کا اضافہ ہوا،ٹماٹر کی فی کلو قیمت 78 روپے 71 پیسے ہوگئی ہے،گزشتہ ہفتے لہسن 13 روپے 55 پیسے فی کلو مہنگاہواہے،دال چنا 1 روپے 92 پیسے فی کلو،دال ماش 2روپے 57 پیسے فی کلو مہنگی ہوئی،ایک ہفتے میں دال مسور 1 روپے 54 پیسے،دال مونگ 68 پیسے فی کلو مہنگی ہوئی، مٹن 2 روپے 45 پیسے اوربیف 1 روپے 46 پیسے فی کلو مہنگا ہوا، آٹے کا بیس کلو کا تھیلا 2روپے 51 پیسے فی کلو مہنگاہوا،حالیہ ہفتے 8 اشیائے ضروریہ کی قیمتوں میں کمی ہوئی۔ رپورٹ کے مطابق حالیہ ہفتے200 گرام سرخ مرچ کے پیکٹ کی قیمت میں 25 روپے 85 پیسے کمی ہوئی،200 گرام سرخ مرچ کے پیکٹ کی قیمت 259 روپے 90 پیسے ہو گئی ہے، ایک ہفتے کے دوران آلو 1 روپے 70 پیسے پیاز 1 روپے 15 پیسے فی کلو سستے ہوئے،انڈوں کی قیمت میں 3 روپے 83 پیسے فی درجن کمی ہوئی ہے،برائلر مرغی 3 روپے 20 پیسے فی کلو سستی ہوئی،برائلر مرغی کی فی کلو قیمت 184 روپے 6 پیسے فی کلو ہوگئی ،چینی کی فی کلو قیمت میں 1 روپے 5 پیسے کی کمی ہوئی ہے،ایل پی جی کا گھریلو سلنڈر 48 روپے 56 پیسے سستا ہوا،حالیہ ہفتے 26 اشیائے ضروریہ کی قیمتوں میں استحکام رہا۔