لاہور( این این آئی) وفاقی تحقیقاتی ایجنسی ( ایف آئی اے )نے زائد المیعاد اسٹنٹس کے استعمال کے حوالے سے ابتدائی رپورٹ تیار کر لی،پنجاب انسٹی ٹیوٹ آف کارڈیالوجی میں گزشتہ سال 39 زائد المیعاد اسٹنٹس 38 مریضوں کو لگائے گئے۔ نجی ٹی وی نے ذرائع کے حوالے سے بتایا ہے کہ تیار کی گئی ابتدائی رپورٹ کے مطابق500 اسٹنٹس 2019 میں نجی کمپنی سے خریدے گئے۔ اسٹنٹس صرف 2020 تک لگائے جانے تھے لیکن 39 اسٹنٹس 19 ماہ بعد لگائے گئے۔ رپورٹ کے مطابق پی آئی سی کے پاس اسٹنٹس موجود تھے پھر بھی دوسرے ہسپتالوں سے ڈیمانڈ کرتے رہے،معاملے میں بدنیتی کا عنصر واضح نظر آتا ہے۔ رپورٹ کے مطابق ملوث ڈاکٹرز اور دوسر ے افراد کو طلب کرکے مزید انکوائری کی جائے گی ،وگوں کی صحت کے ساتھ قومی خزانے کو بھی نقصان پہنچایا گیا۔