لاہور( این این آئی) مسلم لیگ (ن) نے وزیر اعظم کے سابق مشیر برائے احتساب شہزاد اکبر کا نام ای سی ایل میں ڈالنے کے مطالبے کی قرارداد پنجاب اسمبلی سیکرٹریٹ میں جمع کر ادی ۔ رکن سعدیہ تیمور کی جانب سے جمع کرائی گئی قرارداد کے متن میں کہا گیا ہے کہ شہزاد اکبر پر براڈ شیٹ سکینڈل میں
بڑی رقم وصولی کا الزام ہے،شہزاد اکبر نے احتساب کے نام پر انتقام کو لیڈ کیا،شہزاد اکبر اپوزیشن رہنمائوں پر بنائے مقدمات جھوٹ کاپلندہ ثابت ہوئے ہیں،تمام اپوزیشن رہنما عدالتوں سے سرخرو ہوئے ہیں،وزیراعظم عمران خان کے سابق مشیر احتساب شہزاد اکبر کا نام ای سی ایل میں ڈالا جائے۔
