لاہور( این این آئی)مقامی عدالت نے پاکستان مسلم لیگ (ن)کے رکن پنجاب اسمبلی بلال یاسین پر حملہ کیس میں گرفتار 3 ملزمان کی ضمانت منظور کر لی ۔ضلع کچہری میں جوڈیشل مجسٹریٹ نے رکن اسمبلی بلال یاسین پر حملہ کیس میں گرفتار ملزمان ساجد، عمر اور فخرعالم کی درخواست ضمانت پر سماعت کی۔ دوران سماعت ملزمان کے وکیل نے مو قف اپنایا کہ

تینوں کو بے بنیاد الزام میں ملوث کیا گیا، اسلحہ فراہمی سے ان کا کوئی تعلق نہیں۔اسلحہ قانون کے مطابق فروخت کیا گیا جس کے لیے پولیس تفتیش مکمل کر چکی ہے ، استدعا ہے تینوں کو ضمانت پر رہا کیا جائے۔ عدالت نے تینوں ملزمان کی ضمانت منظور کرتے ہوئے 50، 50 ہزار روپے کے ضمانتی مچلکوںجمع کروانے کا حکم دیتے ہوئے ضمانت منظور کر لی۔