اسلام آباد (این این آئی) الیکشن کمیشن نے وزیراعظم عمران خان کوخط لکھ کر پروجیکٹ مینجمنٹ یونٹ کے لئے جگہ مانگ لی۔میڈیا رپورٹ کے مطابق وزیراعظم عمران خان کو چیف الیکشن کمشنرسکندرسلطان راجہ نے خط لکھ دیا۔ وزیراعظم کے نام خط میں چیف الیکشن کمشنرنے

پروجیکٹ مینجمنٹ یونٹ بنانے کے لئے جگہ اورعمارت مانگ لی۔ چیف الیکشن کمشنرنے4 مختلف عمارتیں بھی تجویز کیں۔خط میں کہا گیا کہ الیکشن کمیشن انتخابی عمل میں ٹیکنالوجی کے استعمال کے لئے اقدامات کررہا ہے۔آئی ٹی ٹیمز ای وی ایمز، آئی ووٹنگ اورانتخابی عمل میں ٹیکنالوجی کے استعمال کے لئے کام کریں گے۔خط کے مطابق یونٹ کے قیام کیلئے آئی ٹی پروفیشنلز کی بھرتیوں کاکام آخری مراحل میں ہے۔چیف الیکشن کمشنر نے 4 مختلف عمارتوں کی تجاویز بھی خط میں بھجوائیں۔ تجویز کردہ عمارتوں میں پاکستان اکیڈمی آف سائنسز کا گیسٹ روم،پی سی ایس آئی کا گیسٹ ہاوس،وزارت سائنس ٹیکنالوجی کا خالی فلوراورسر سید میموریل سوسائٹی کی عمارت شامل ہے۔