اسلام آباد (این این آئی)قومی کرکٹ ٹیم کے وکٹ کیپر بیٹر محمد رضوان کو ’مرشد‘ کہنے کی وجہ بتاتے ہوئے کہاہے کہ میرا بھائی طلحہ جو میری شروع سے دیکھ بھال کر رہا ہے وہ مجھے مرشد کہتا تھا۔ ایک حالیہ انٹرویو میں محمد رضوان سے میزبان نے سوال کیا کہ آپ کو ٹیم میں مرشد کے نام سے پکارا جاتا ہے، یہ نام آپ کا کیسے پڑا؟اس سوال پر محمد رضوان بیساختہ مسکرا دیتے ہیں اور کہتے ہیں کہ

آپ کو یہ بات کہاں سے پتا چلی۔انہوں نے کہا کہ ٹیم میں کپتان مجھے مرشد کہتا ہے، جب بھی ہماری گپ شپ ہورہی ہوتی ہے وہ مجھے اسی نام سے بلاتا ہے۔اپنی بات جاری رکھتے ہوئے محمد رضوان نے کہا کہ میرا بھائی طلحہ جو میری شروع سے دیکھ بھال کر رہا ہے وہ مجھے مرشد کہتا تھا۔انہوں نے کہا کہ ٹیم میں اب کپتان مجھے مرشد کہتا ہے جب بھی اس سے دین، دنیا پر بات ہو وہ مجھے اسی نام سے پکارتا ہے۔