کراچی (این این آئی)پاکستان سْپر لیگ میں کوئٹہ گلیڈی ایٹرز کی نمائندگی کرنے والے انور علی نے کہا ہے کہ اگر وہ کرکٹر نہ ہوتے تو ابھی کسی فیکٹری میں مزدوری کر رہے ہوتے۔انہوں نے ٹوئٹر پر آسک انور کا ایک سیشن رکھا جس میں مداحوں کی بڑی تعداد نے اْن سے سوال کیے۔سوال و جواب کے سیشن کے دوران انہوں نے بتایا کہ قومی ٹیم میں آج کل اْن کے

پسندیدہ کھلاڑی محمد رضوان اور بابر اعظم ہیں۔کرکٹر سے ایک صارف نے پوچھا کہ اگر آپ کرکٹر نہ ہوتے تو ہم آپ کو کس فِیلڈ میں دیکھتے۔انور علی نے جواب دیا کہ ’فیکٹری میں مزدوری کر رہا ہوتا۔انہوں نے ایک سوال کے جواب میں شاہین شاہ آفریدی کو زبردست ٹیلنٹ قرار دیا۔انور علی نے کہا کہ ان کی پی ایس ایل کی تیاری بہترین چل رہی ہے۔کرکٹر نے شاہد آفریدی کو عظیم انسان قرار دیا۔