احمدپورسیال(آن لائن)احمد پور سیال میں آٹے کا بحران شدت اختیار کرگیا۔ دیہاڑی دار اور مزدور طبقہ جو روزانہ کی بنیاد پر آٹا خرید کر گزارہ کرتا ہے آٹا نایاب ہونے کی وجہ سے بے حد پریشانی کا شکار ہوگیا ہے یہی وجہ ہے کہ لوگ آٹے کے حصول کے لیے مارے مارے پھرتے ہیں لیکن آٹا نہیں ملتا۔ روٹی انسان کی بنیادی غذائی ضروریات کو پورا کرتی ہے جس کا دارومدار آٹے پر ہے لیکن آٹا دستیاب نہ ہونے کی وجہ غریب عوام کی
مشکلات میں بھی اضافہ ہوگیا ہے۔مجبوراً میدے کی روٹیوں پر اکتفا کرنا پڑتا ہے۔شہریوں کا کہنا ہے کہ پاکستان ایک زرعی ملک ہے اور گندم کی پیداوارمیں خود کفیل ہے اور ضلع جھنگ میں سب سے زیادہ گندمکاشت کی جاتی ہے اس کے باوجود تحصیل احمد پور سیال میں آٹے کی قلت پیدا ہوگئی ہے ۔یوٹیلٹی سٹورز پر بھی آٹا غائب ہے عوام جائیں تو کہاں جائیں ۔شہریوں نے ارباب اختیار سے آٹے کے بحران کو فوری طور پر ختم کرنے کا مطالبہ کیا ہے۔
