راولپنڈی (آن لائن ) آرمی چیف جنرل قمر جاوید باجوہ سے امریکی ناظم الامور مسز انجیلا ایگلر نے جی ایچ کیو راولپنڈی میں ملاقات کی ہے ۔ آئی ایس پی آر کے مطابق ملاقات میں باہمی دلچسپی، علاقائی سیکیورٹی کی صورتحال سمیت افغانستان کی تازہ ترین صورتحال اور مختلف شعبوں میں باہمی تعاون کے امور پر بات چیت کی گئی، آرمی چیف جنرل قمر جاوید باجوہ نے زور دیا کہ افغانستان میں انسانی بحران سے بچنے کیلئے منظم عالمی کوششوں کی ضرورت ہے، امریکی ناظم الامور نے علاقائی امن و استحکام کیلئے پاکستان کے کردار کو سراہا۔