لاہور(اے پی پی)وفاقی وزیرتوانائی حماد اظہرنے کہا ہے کہ ہمارے قدرتی گیس ذخائر 9 فیصد سالانہ کے حساب سے کم ہو رہے ہیں لیکن ڈیمانڈ ہر روز بڑھ رہی ہے۔وہ گورنر ہاؤس لاہور میں سینئر صحافیوں کو بریفنگ دے رہے تھے ۔ انہوں نے کہا کہ ماضی میں سیاسی بنیادوں پر گیس کنکشن دیے جاتے رہے۔ توانائی کی طلب اور رسد میں توازن لانے کے لیے ہمیں متبادل ذرائع کی طرف جانا پڑے
گا۔ اگرگیس کا بے دریغ استعمال نہیں روکا گیا تو مستقبل میں شدید مشکلات کا سامنا کرنا پڑ سکتا ہے۔انہوں نے کہا کہ ہمارے ملک میں دنیا کا سب سے بڑا ڈومیسٹک گیس پائپ لائن نیٹ ورک ہے۔وفاقی وزیر نے کہا کہ سردیوں میں گیس کا گھریلو استعمال پانچ گنا بڑھ جاتا ہے،تاہم سردیوں میں گیس کی قلت کا ایل این جی کی درآمد سے کوئی تعلق نہیں ہوتا۔
