لاہور( این این آئی)شوبز کو خیر باد کہنے والی رابی پیرزادہ نے کہا ہے کہ خداکی ذات نے جن لوگوںکودولت سے نواز رکھاہے انہیں چاہیے کہ وہ شادی بیاہ کی تقریبات میں کروڑں روپے اجاڑنے کی بجائے سادگی کو ترجیح دیںاور اس پیسے سے مستحق لوگوںکی مدد کریں ۔ اپنے ایک بیان میں رابی پیرزادہ نے کہا کہ یہاں دیکھا گیا ہے کہ صاحب ثروت لوگ اپنے بچوںکی شادیوں پر

صرف دکھاوے کیلئے کروڑوںروپے کے اخراجات کرتے ہیں لیکن دوسری طرف معاشرے میں ایسے لو گ بھی ہیں جنہیں پیٹ بھر کر دو وقت کی روٹی بھی نصیب نہیںہوتی ۔انہوں نے کہاکہ جنہیں خدا کی ذات نے دیا ہے انہیں ضرورخرچ کرنا چاہیے لیکن اس میں اعتدال پسندی سے کام لیناچاہیے اور اس دولت کو غریبوں کو روٹی کھلانے اور ان کی فلاح و بہبود پر خرچ کیا جائے۔