لاہور( این این آئی)حلقہ این اے 133کے ضمنی انتخاب کے موقع پر ڈیوٹی دینے کیلئے آنے والاپولیس اہلکارٹریفک حادثے میں جاں بحق ہو گیا ۔ بتایاگیا ہے کہ تھانہ ہنجر وال میں تعینات اے ایس آئی محمد بابر موٹر سائیکل پر ضمنی انتخاب کی ڈیوٹی کے سلسلہ میں جارہا تھاکہ میرداد چوک شادیوال میں تیز رفتار کار نے اسے ٹکر مار دی جس سے
بابر موقع پر ہی دم توڑ گیا ۔واقعہ کے بعد ڈرائیور اپنی گاڑی چھوڑ کر فرار ہو گیا۔ڈی آئی جی آپریشنز احسن یونس کی ہدایت پر ایس پی صدر نفری کے ہمراہ موقع پر پہنچ گئے ۔ریسکیو 1122نے پولیس اہلکارکی لاش کومردہ خانے منتقل کر دیا جبکہ پولیس کی جانب سے گاڑی کی رجسٹریشن کی مدد سے ڈرائیور کی تلاش جاری ہے ۔
