اسلام آباد (این این آئی)پاکستان کی 10 کمپنیوں کو مصر کو گوشت برآمد کرنے کی اجازت مل گئی ہے۔ وزارت تجارت کے حکام کے مطابق مصر کے ویٹرنری کورینٹائن کے محکمہ نے پاکستان کی 10 مختلف کمپنیوں کے سلاٹر ہائوسز کو مصر کو گوشت برآمد کرنے کی اجازت دیدی ہے۔

حکام کیم طابق مصر کے متعلقہ حکام نے اس حوالہ سے ان کمپنیوں کے باقاعدہ آڈٹ کے بعد منظوری دی ہے۔ وزارت تجارت کے مطابق فوجی میٹ لمیٹد، پی کے لائیو سٹاک اینڈ میٹ کمپنی (پرائیوٹ)، ٹاٹا بیسٹ فوڈ لمیٹڈ ، الشہیر کارپوریشن (لمیٹڈ) ، دی آرگینک میٹ کمپنی (پرائیوٹ)، تازج میٹ اینڈ فوڈ ، عابدین انٹرنیشنل ابیٹرز(پرائیوٹ) اور زینتھ ایسوسی ایٹس ان میں شامل ہیں۔ واضح رہے کہ رواں مالی سال کی پہلی سہ ماہی میں گوشت کی قومی برآمدات 3.86 فیصد اضافہ سے گزشتہ مالی سال کی پہلی سہ ماہی کے75.376 ملین ڈالر کے مقابلہ میں 78.283 ملین ڈالر تک بڑھی ہیں۔