اسلام آباد(آن لائن )الیکشن کمیشن کے ممبران کی تعیناتی کے معاملہ پرحکومت نے اپوزیشن کا بڑا مطالبہ تسلیم کرلیا۔الیکشن کمیشن ممبران کے تقرر کے لئے تشکیل دی گئی کمیٹی میں اپوزیشن کو مساوی نمائندگی دے دی گئی ۔
ذرائع کے مطابق اپوزیشن اور حکومت کے کمیٹی میں چھ چھ مساوی ممبران ہونگے ۔کمیٹی کی چیئرمین پرسن شیری مزاری برقرار رہیں گئی ۔حکومتی ممبران میں ردو بدل کردیا گیا ۔کمیٹی سے وفاقی وزیر تعلیم شفقت محمود، خالدہ اطیب، کامل علی آغا اور سینیٹر ہدایت اللہ کو ڈراپ کردیا گیا ۔کمیٹی میں وفاقی وزیر اعظم سواتی، فواد چوہدری، سینیٹر تاج حیدر، اعظم نذیر تارڑ اور منظور کاکڑ کو شامل کرلیا گیا ۔ ذرائع کا کہناہے کہ نظر ثانی کمیٹی کے بعد پہلا اجلاس بھی 15 نومبر کو طلب کرلیا گیا۔کمیٹی خیبر پختونخوا اور پنجاب کے ممبران کے تقرر کے معاملے پر غور کرینگے ۔کمیٹی کے اس قبل دو اجلاس اپوزیشن تحفظات کے باعث بلاکر ملتوی کئے گئے ۔نظرثانی سے قبل اپوزیشن کو کمیٹی میں مساوی نمائندگی نہیں دی گئی تھی ۔پہلی کمیٹی میں حکومت کے 7 جبکہ اپوزیشن کے 5 ممبران کو لیا گیا تھا۔
