ملتان/نئی دہلی (نیوزڈیسک) بھارت نے عزیزوں سے ملنے کےلئے جانے والے ملتان کے شہری کو جاسوس بنادیا ذرائع کے مطابق ملتان کے علاقے شجاع آباد کا رہائشی سعید نو ماہ پہلے ماں کو اسکے بھائیوں سے ملوانے بھارت کے شہر مظفر نگر پہنچا اور شادی کی تقریب میں بھارتی پولیس نے اسے جاسوسی کا الزام لگا کر جیل میں ڈال دیا۔نو بچوں کا باپ سعید گزشتہ سات ماہ سے بھارت کی جیل میں قید ہے ¾ بھارت میں مقیم سعید کے عزیزوں کی جانب سے اسکی رہائی کےلئے کوششیں کی جارہی ہیں۔سعید کی بوڑھی ماں بیٹے کے غم میں بینائی کھو چکی ہے سعید کی والدہ نے حکومت پاکستان سے مطالبہ کیا ہے کہ اسکے بیٹے کی فوری رہائی کے لیے اقدامات کئے جائیں۔