اسلام آباد(نیوز ڈیسک) ممبئی حملوں میں ملوث ہونے کے الزام میں پھانسی پر لٹکا ئے جانیوالے ملزم یعقوب میمن کی آخری خواہش منظر عام پر آگئی ۔بھارتی میڈیا کے مطابق میمن نے پھانسی سے قبل بھائی سے ملاقات کے بعد اپنی اکلوتی بیٹی سے بات کرنے کی خواہش کی تھی ۔رپورٹس میں بتایا گیا ہے کہ میمن کی خواہش پر ان کی ٹیلی فون کے ذریعے ان کی بیٹی سے بات کروائی گئی ۔ رپورٹس میں کہا گیا ہے کہ میمن نے آخر ی بار پر اعتماد اور متحمل لہجے میں بیٹی سے بات کی اور الوداع کہا۔ واضح رہے کہ یعقوب میمن پر الزام تھا کہ انہوں نے حملہ آوروں کی مالی معاونت کی ۔ بھارت میں اہم شخصیات سمیت بڑی تعداد میں لو گ میمن کی پھانسی کیخلاف تھے ۔ گذشتہ روز پھانسی کے بعد یعقوب میمن کی نماز جنازہ میں ہزاروں کی تعداد میں مسلمانوں نے شرکت کی ۔