لاہور(این این آئی)معاون خصوصی وزیراعلی پنجاب برائے اطلاعات و خصوصی اقدامات حسان خاور کو پنجاب حکومت کا ترجمان بھی مقرر کر دیا گیا۔ایوان وزیر اعلی کی جانب سے اس ضمن میں باضابطہ نوٹیفکیشن بھی جاری کردیا گیا ہے۔فیاض الحسن چوہان کو13 اگست 2021 کو ترجمان حکومت پنجاب مقرر کرنے کا نوٹیفکیشن منسوخ کردیاگیا۔حسان خاور بطور
ترجمان حکومت پنجاب اور معاون خصوصی وزیر اعلی پنجاب برائے اطلاعات خدمات سر انجام دیں گے۔ اس پر ردعمل دیتے ہوئے فیاض الحسن چوہان کا کہنا تھا کہ اللہ پاک کی قسم مجھے عہدے سے ہٹائے جانے کا علم نہیں ہے، انہوں نے حیرت کا اظہار کرتے ہوئے کہا کہ شاید میں اچھی ترجمانی نہیں کر سکا لیکن اب حسان خاور زیادہ اچھی ترجمانی کریں گے۔
