لاہور( این این آئی )خوبرو اداکارہ نیلم منیر نے کہا ہے کہ دھوکہ دینے والوںکوکسی صورت معاف نہیںکرسکتی ،اگر کسی کااعتمادحاصل کر کے اسے ٹھیس پہنچائی جائے تویہ اذیت نا قابل برداشت ہوتی ہے ۔ ایک انٹرویو میںاداکارہ نے کہا کہ بہت سے ایسے لوگ ہیں جن پر میں نے بھی آنکھیں بند کر کے اعتماد کیا لیکن انہوںنے منافقت کی ۔جب کسی کے ساتھ اس طرح کے حادثات ہوتے ہیں تو وہ لوگوںپر اعتمادکرنا چھوڑ دیتے ہیں اور پھر صحیح لوگ بھی نظر انداز ہوتے ہیں۔ انہوںنے کہا کہ یہاں لوگوں کو صرف اپنے مفادات سے سروکارہوتاہے اوردوسروںکی کوئی پرواہ نہیں ہوتی جو کسی صورت بھی قابل تعریف نہیں،منافق اوردوغلے لوگ معافی کے قابل نہیںہوتے۔