راولپنڈی(این این آئی) پاکستان مسلم لیگ (ض) کے سربراہ اعجاز الحق نے شہید جنرل ضیاء الحق کی برسی کی تقریب کو جہاد افغانستان اور طالبان کی فتح سے

منسوب کر نے کااعلان کیا ہے ۔ میڈیا سے گفتگو کرتے ہوئے اعجاز الحق نے کہاکہ (آج) منگل کو سہ پہر 3بج کر 51منٹ میں فیصل مسجد کے احاطے میں شہدائے بہاولپور کی33 ویں برسی کی تقریب روایتی طور پر کرونا ایس او پیز کے ساتھ سادہ اور پر وقار انداز میں ہوگی اس تقریب کو ہم نے جہاد افغانستان اور طالبان کی فتح سے منسوب کیا ہے انشاء اللہ بہت جلد ہم افغانستان کا دورہ کرکے طالبان کو ان کی فتح پر باضابطہ طور پر مبارک دینے کے لیے کابل جائیں گے انہوں نے کہا کہ ہمارا طالبان کی قیادت سے مسلسل رابطہ ہے انہوں نے کہا کہ ہمیں یہ امید ہے اور ہم اس بات پر یقین رکھتے ہیں کہ طالبان کی حکومت پاکستان کے لیے انتہائی مفید اور بہتر ثابت ہوگی۔

موضوعات:اعجاز الحق