کراچی(این این آئی) شہرقائد میں جشن آزادی کے موقع پرہوائی فائرنگ کے باعث نامعلوم سمت سے آنے والی گولیاں لگنے سے ایک شخص جاں بحق جبکہ بچوں اور خواتین سمیت27افراد زخمی ہوگئے۔تفصیلات کے مطابق شہرمیں رات بارہ بجتے ہی مختلف علاقوں میں جشن آزادی

کی خوشی میں ہوائی فائرنگ کا سلسلہ شروع ہو گیا جو کافی دیر تک جاری رہا ،ہوائی فائرنگ کے باعث نامعلوم سمت سے آنے والی گولیاں لگنے سے ایک شخص جاں بحق سمیت27 افراد زخمی ہو گئے۔اس حوالے سے پولیس حکام نے بتایاکہ ہوائی فائرنگ کے واقعات لیاری، لیاقت آباد، پاپوش، صدر، برنس روڈ ،ملیر، ایف بی ایریا، نارتھ ناظم آباد، سپرہائی وے، بلدیہ میں نامعلوم افراد کی جانب سے اندھا دھند ہوائی فائرنگ کی گئی۔ہوائی فائرنگ کے نتیجے میں اندھی گولی لگنے سے شاہ فیصل کالونی میں ایک شخص جاں بحق اور 27 زخمی ہوگئے جنہیں طبی امداد کیلئے اسپتال لایا گیا۔زخمیوں میں 5خواتین اور چار بچے بھی شامل ہیں۔ پولیس کے مطابق کلری تھانے کے علاقے لیاری نیا آباد نیازی چوک کے قریب نامعلوم سمیت آنے والی گولی ہاتھ پر لگنے سے 60 سالہ غلام رسول ولد مہربان خان زخمی ہو گیا اسی دوران بغدای تھانے کے علاقے شاہ بیگ لین بلاک سی گلی نمبر 5 میں نامعلوم سمیت سے آنے والی گولی سر پر لگنے

سے 50 سالہ غلام فرید ولد غلام قدیر زخمی ہو گیا۔بغدادی تھانے کے علاقے لیاری یوسف ہارون روڈ بلاک سی گلی نمبر 3 کے قریب نامعلوم سمیت سے آنے والی گولی ہاتھ پر لگنے سے 45 سالہ رضا خان ولد ولی داد زخمی ہو گیا۔سٹی کورٹ تھانے کے علاقے سٹی کورٹ جامعہ مسجد کے قریب نامعلوم سمت سے آنے والی گولی چہرے پر لگنے سے12 سالہ مدیحہ دخترراشد زخمی ہو گئی۔