لندن(نیوز ڈیسک) سوئٹزرلینڈ کے ٹینس سٹار راجر فیڈرر کو دنیا کا سب سے مارکیٹ ایبل کھلاڑی قرار دیا گیا ہے، مارکیٹ ایبل سے مراد یہ ہے کہ دنیا بھر کی ایڈورٹائزنگ کمپنیز اپنے تشہری پراجیکٹس کے لئے اب بھی سب سے زیادہ راجر فیڈرر کی خدمات حاصل کرنے کی خواہش مند ہے۔ دلچسپ بات یہ ہے کہ انہوں نے ومبلڈن 2012 کے بعد ایک بھی گرینڈ سلام ٹائٹل نہیں جیتا لیکن ان کی اہمیت میں کوئی کمی نہیں آئی۔ یہ فہرست لندن سکول آف مارکیٹنگ نے جاری کی ہے۔ لندن سکول آف مارکیٹنگ کے فیکلٹی ممبر یاک ڈی کاک نے اس حوالے سے گفتگو میں کہا کہ فیڈرر بے شک اس بار بھی ومبلڈن نہ جیت سکے ہوں لیکن ان کی شخصیت ایسی ہے کہ اب بھی ان کی مارکیٹ ویلیو میں کمی نہیں آئی –