لاہور(نیوزڈیسک)قومی کرکٹ ٹیم کے فاسٹ بولر وہاب رےاض نے مکمل فٹ نہ ہونے پر سری لنکا کے خلاف ٹی ٹونٹی سیریز سے دستبرداری کا اعلان کر دیا جس کے بعد ضیاءاالحق کو ٹی ٹونٹی سکواڈ میں شامل کر لیا گیا ۔ گزشتہ روز فاسٹ بولر وہاب ریاض نے نیشنل کرکٹ اکیڈمی میں پریکٹس کی اور بازو میں کھچاﺅ کے باعث انہوں نے سری لنکا کے خلاف ہونے والی ٹی ٹونٹی سیریز سے دستبرداری کا اعلان کر دیا ۔ وہاب ریاض کے دستبردار ہونے کے بعد ضیاءالحق کو قومی سکواڈ میں شامل کر لیا گیا ہے ۔ یاد رہے کہ وہاب ریاض سری لنکا کے خلاف ٹیسٹ میچ میں ہاتھ پر چوٹ آنے کے باعث ون ڈے سیریز سے باہر ہو گئے تھے۔