کراچی(آن لائن)گینگ وارسرغنہ عذیر بلوچ کو 2 مقدمات میں باعزت بری کردیا گیا۔ لیاری گینگ وار کے سرغنہ عزیر بلوچ کو عدم ثبوت کی بنیاد پر مزید 2 مقدمات میں باعزت بری کردیا گیا ہے۔عزیر بلوچ کے خلاف کلاکوٹ اور کلری تھانے میں پولیس پر حملے اورموبائل تباہ کرنے کے مقدمات درج تھے، تاہم استغاثہ عدالت کے سامنے پولیس پر حملے اورموبائل تباہ کرنے کے مقدمے میں ملزم کیخلاف ثبوت پیش نہیں کرسکا، جس پر عدالت نے دونوں کیسز میں ملزم عزیر بلوچ کو باعزت بری کردیا۔واضح رہے کہ لیاری گینگ وار کے سرغنہ عزیر بلوچ اس سے قبل بھی عدم ثبوت یا گواہوں کے منحرف ہوجانے کے باعث تقریباً 15 مقدمات میں باعزت بری ہوچکے ہیں، جب کہ عزیربلوچ بھی متعدد بار اپنے اقبالی بیان دینے کے بعد عدالت کے سامنے اپنے ہی بیان سے منحرف ہوچکا ہے۔