پنگریو (این این آئی) تحصیل ماتلی کے گائوں میں ہندو برادری سے تعلق رکھنے والے 50 سے زائد افراد دائرہ اسلام میں داخل ہوگئے، سب ہی نو مسلم کا کہنا ہے کہ وہ اپنی رضامندی اور دین اسلام سے متاثر ہوکر دین اسلام قبول کیا ہے

تفصیلات کے مطابق تحصیل ماتلی کے گاوں اسماعیل واڈھو کے رہائش پزیر ہندو کمیونٹی کی بھیل برادری سے تعلق رکھنے والے 59 افراد دائرہ اسلام میں داخل ہوکر مسلمان ہوگئے، مسلمان ہونے والے افراد میں یونین کونسل ماتلی کے سابق چیئرمین عبدالرف نظامانی کے ھاری بھی شامل ہیں اور انہی کی کوششوں سے سب ہی مسلمان ہوئیگاں اسماعیل واڈھو میں نظامانی محلہ کے پیش امام مولانا غلام حسین عطاری نے نو مسلم افراد کو کلمہ پڑھایا اور دائرہ اسلام میں داخل کیا،مسلمان ہونے والے سب افراد کا کہنا تھا وہ اپنی رضامندی اور دین اسلام سے متاثر ہوکر مسلمان ہوئے ہیں ان پر کوئی زور زبردستی نہیں کی گئی ہے جبکہ مولاناغلام حسین عطاری نے سب ہی نومسلم کو دین اسلام پر لیکچر بھی دیا اور اس کی فضیلت بھی بیان کی جبکہ اس موقع پر سابق چیئرمین ماتلی عبدالرف نظامانی اور دیگر معززین بھی موجود تھے، واضع رہے کہ یہ تقریب چھ روز قبل منعقد کی گئی تھی ۔