لاہور( این این آئی)پنجاب بار کونسل نے وزیر اعظم کے بھانجے حسان خان نیازی ایڈووکیٹ کا وکالت کا لائسنس معطل کر دیا ۔پنجاب بار کونسل نے حسان نیازی کی جانب سے سینئر وکیل اور اس کی خاتون کلانٹ پر مبینہ تشدد کے معاملے پر ایڈووکیٹ ایاز بٹ کی درخواست پر کارروائی کرتے ہوئے وزیراعظم کے بھانجے حسان نیازی ایڈووکیٹ کا وکالت کا لائسنس معطل کردیا ۔وائس چیئر مین پنجاب بار کونسل امجد اقبال نے محمدایاز بٹ ایڈووکیٹ کی درخواست پر کارروائی کی ۔وائس چیئر مین پنجاب بار کونسل نے معاملہ مزید کارروائی کے لئے ایگزکٹو کمیٹی پنجاب بار کوبھجوادیا جس کے بعد حسان خان نیازی سے 17جولائی کو جواب طلب کر لیا گیا ہے ۔محمد ایازبٹ ایڈووکیٹ نے حسان نیازی کے خلاف کارروائی کیلئے پنجاب بار کونسل کو درخواست دی تھی جس میں کہا گیا تھا کہ حسان نیازی ایڈووکیٹ نے ساتھی وکلا ء کے ہمراہ مجھے اور میری کلائنٹ پر تشدد کیا ۔