اسلام آباد (این این آئی)سعودی سفیر نواف سعید المالکی نے کہا ہے کہ سعودی عرب پاکستان کو مزید منصوبوں مین امداد کی فراہمی کا خواہشمند ہے۔ تقریب سے خطاب کرتے ہوئے سعودی سفیر نواف سعید المالکی نے کہاکہ یہاں پر سعودی عرب کے نمائندہ کے طور پر شرکت قابل مسرت ہے،ہم دنیا بھر میں پاکستان سمیت تمام ممالک میں بہتری اور ترقی چاہتے ہیں ۔ انہوںنے کہاکہ سعودی فنڈ برائے ڈیویلپمنٹ،یو این او ایس اور یو کے ایڈ کے تعاون سے یہ خوبصورت منصوبہ مکمل ہوا،سولر انرجی نظام 1140 سکولوں مین نصب کیا گیا،خیبر پختونخواہ کے مختلف اضلاع مین طلبہ کے لیے یہ نطام نصب کیا گیا،سعودی فنڈ برائے ڈیویلپمنٹ پاکستان میں مختلف ترقیاتی منصوبوں کو 500 ملین ڈالرز فراہم کر چکی ہے،سعودی عرب پاکستان کو مزید منصوبوں مین امداد کی فراہمی کا خواہشمند ہے،یہ منصوبے پاکستان میں ترقی کی بنیاد بنیں گے۔