لاہور(این این آئی) حکومت نے سرکاری ہسپتالوں میں بہتر طبی سہولتوں کی فراہمی کیلئے ہسپتالوں کے نام ایسے مخیر حضرات کے نام پر رکھنے کیلئے تجاویز طلب کرلی ہیں جو مخیر حضرات ان ہسپتالوں کے اخراجات برداشت کرینگے اس سلسلہ میں مختلف کمپنیوں کو بھی دعوت دی جائیگی کہ وہ اپنی کمپنی کے نام پر سرکاری ہسپتال کا نام رکھوا سکتے ہیں جس کیلئے مخیر حضرات کیساتھ ساتھ کمپنی کیلئے یہ شرط ہوگی کہ وہ ان ہسپتالوں میں ادویات’ بجلی کے بل’ صحت و صفائی کی صورتحال کو بہتر بنانے کیلئے مالی معاونت کرینگے جس میں غریب اور لاوارث مریضوں کیلئے دو وقت کا کھانا بھی شامل ہوگا جو کمپنی’ ادارہ یا شخصیت یہ شرائط پوری کرینگی ان کے نام پر ہسپتال کا نام تجویز کردیا جائیگا۔