جے پور (این این آئی) بھارت میں آسمانی بجلی گرنے سے پچاس افراد ہلاک ہو گئے ہیں، بھارتی ریاست راجستھان کے شہر جے پور میں آسمانی بجلی گرنے سے 11 افراد ہلاک اور متعدد زخمی ہو گئے ۔بھارتی ٹی وی کے مطابق ہلاک ہونے والوں کے بارے میں بتایاگیاکہ وہ جے پور میں 12ویں صدی میں تعمیر کیے گئے امر قلعے کے مینار پر تیز بارش کے

دوران سیلفیاں لے رہے تھے جب ان پر آسمانی بجلی گری۔مینار پر 27 افراد موجود تھے جب یہ واقعہ رونما ہوا اور بجلی گرنے پر کئی لوگوں نے وہاں سے زمین پر چھلانگ لگا دی۔ایک اعلی پولیس افسر نے میڈیا سے بات کرتے ہوئے کہا کہ یہ مینار اس قلعے میں سیاحوں کی دلچپسی کا مرکز ہے اور ہلاک ہونے والوں میں اکثریت نوجوان افراد کی ہے۔ اس واقعے کے علاوہ راجستھان کے دیگر علاقوں سے بھی آسمانی بجلی سے ہلاک ہونے والے مزید نو افراد کی اطلاعات ملی ہیں۔ریاست کے وزیر اعلی اشوک گھیلوت نے ہلاک ہونے والے افراد کے خاندانوں کے لیے پانچ لاکھ روپے معاوضے کا اعلان کیا۔ دوسری جانب ریاست اتر پردیش کے مختلف اضلاع میں 42 افراد جان کی بازی ہار گئے ہیں۔ بین الاقوامی خبر رساں ادارے کے مطابق بھارتی وزیراعظم نریندر مودی نے اموات پر دکھ کا اظہار کیا ہے اور مرنے والے افراد کے لواحقین کو معاوضہ دینے کا اعلان کیا ہے۔  بھارت میں آسمانی بجلی گرنے سے پچاس افراد ہلاک ہو گئے ہیں، بھارتی ریاست راجستھان کے شہر جے پور میں آسمانی بجلی گرنے سے 11 افراد ہلاک اور متعدد زخمی ہو گئے ۔بھارتی ٹی وی کے مطابق ہلاک ہونے والوں کے بارے میں بتایاگیاکہ وہ جے پور میں 12ویں صدی میں تعمیر کیے گئے امر قلعے کے مینار پر تیز بارش کے دوران سیلفیاں لے رہے تھے جب ان پر آسمانی بجلی گری۔