اسلام آباد (مانیٹرنگ ڈیسک )کراچی میں پارکنگ میں کھڑی گاڑی سے لاش ملنے کی تحقیقات میں پیش اہم رفت ، تین بھائی قتل میں ملوث نکلے پولیس نے تینوں کو گرفتار کر لیا ۔

تفصیلات کے مطابق کراچی کی مویشی منڈی کی پارکنگ میں کھڑی گاڑی سے لاش ملنے کی تحقیقات میں پیش رفت سامنے آئی ہے، اویس کے قتل میں ملوث 3 بھائیوں کو گرفتار کرلیا گیا ہے۔ پولیس نے بتایا ہے کہ اویس سونے کا کام کرتا تھا جبکہ ملزمان نے اویس کو سونے کے لالچ میں آ کر قتل کیا ہے ۔روزنامہ جنگ کے مطابق مطابق پولیس کے مطابق واقعہ کے روز اویس کے پاس 30 تولا سونا موجود تھا، مقتول اور تینوں ملزمان آپس میں دوست تھے۔حکام کا کہنا ہے کہ ملزمان بہانے سے اویس کو مویشی منڈی لے گئے تھے، ملزمان نے شراب میں زہر ڈال کر اویس کو قتل کیا۔۔ پولیس حکام نے کہا ہے کہ ملزمان سے ساڑھے تین کلو سونا بھی برآمد کیا گیا ہے جبکہ ملزمان نے یہ سونا جس جیولری والے کو بیچا تھااسے بھی گرفتار کر لیا گیا ہے ۔یاد رہے کہ رواں ماہ 2 جولائی کو مویشی منڈی کی پارکنگ میں ایک گاڑی سے لاش برآمد ہوئی تھی جس کی شناخت اویس کے نام سے ہوئی تھی جو کہ لیاری کے علاقہ بغدادی کا رہائشی تھا ۔