دبئی(نیوز ڈیسک)پاکستان اور انگلینڈ کے درمیان اس سال اکتوبر میں ہونے والی مکمل ہوم سیریز کا شیڈول جاری کردیا گیا ہے۔ تفصیلات کے مطابق متحدہ عرب امارات میں اس سال پاکستان کرکٹ ٹیم اپنی ہوم سیریز انگلینڈ کے ساتھ کھیلے گا، جس کی تصدیق ہونے کے ساتھ، مکمل شیڈول بھی جاری ہوگیا ہے۔ سیریز میں 3ٹیسٹ، 4ون ڈے اور 3ٹی20 میچز کھیلے جائیں گے۔ سیریز کی شروعات ٹیسٹ میچز سے ہوگی اور پہلا میچ 13اکتوبر سے ابوظہبی میں کھیلا جائے گا، جبکہ ایک روزہ میچوں کی سیریز 11نومبر سے اور ٹی20 میچوں کی سیریز 26نومبر سے کھیلی جائیں گی۔ سیریز کے دوران 4پریکٹس میچ بھی کھیلے جائیں گے۔ یاد رہے پاکستان میں انٹرنیشل کرکٹ 2009میں سری لنکن ٹیم پر حملے کا باعث بند ہے، لہذا پاکستان کی تمام ہوم سیریز کافی سالوں سے اب متحدہ عرب امارات کی میزبانی میں ہوتی ہیں۔